Veertig
CD Album (2019)
Bestelnummer: CDL1915
volop verkrijgbaar
Kump Nog Get
’t Ging ’t al sjnel, eine houp joare böste kwiet.
De eesjte keer verlief, gesjlaag veur ’t riebewies.
Doe bös noe awwer en versjtenniger,
get mee cente noe, det is henjiger.
Mer de klok tik door, de welt dreit wiejer
En doa mit moste ’t doon.
Mer zit neet te zeure euver wat is gewaes,
Det vreuger alles baeter woor.
Doe wurs mer eine keer geboare, höbs ein kaertje veur ein runj.
’n Beperkt aantal joare, tied versjpille det is zunj.
Dus zit noe neet te klage, sjtop det depri ge-aw-hoor.
Kiek neet achterom en gangk mit gooje mood rechtdoor.
Sinterkloas en Poasjhaas al lang bie dich bekend.
Eesjte huwelijksnach, al eeuwen aan gewend.
Midlife crisis, hypotheek, autokeuring, zonnesjteek.
Sjoonfemilie, kutcollega’s, alles höbse gehad.
Rollator
Ich zit hiej in ’t bejaardehoes
De ganse daag achter zo’n thermopane roet.
Ich pak mich dalijk de rollator, effe de frisje loch op,
Ich wil effe d’roet.
Bön de geraniums hiej kotsemeug,
Wil oppe frisje loch.
Mot van de zuster mee bewaege,
Mien knöök zitte vol voch.
Mer vreuger troch ich buim oet.
Es ’t moos den wirke ich daag en nach.
Woor neet kapot te kriege, eine houp dynamiek en krach.
Ich haw ’t groot riebewies
En riej noe mit die kar.
Paradies
Mien kop dae sjteit op sjprenge, ich bön sjuuj detter mich dadelijk ontplof en den haet ´t ABP gebof. Mien geheugen det vilt oet, höb bliekbaar toch get van Korsakov. ’t Systeem zit mich op de hielen en bleus mich in de nek Haet mich noe ingehoald en ich waer langzaam lekker gek. Miene kop zit vol klimop en greujt mer door Wae hulp mich? Ich wil det ’t noe sjtop.
Mer noa de B.O. kump ’t paradies.
Ze kriege mich neet mee gek, brenge mich neet mee van de wies.
Ich zit den in de zon op mien balkon mit ein gazon vol opgesjtoake middelvingers.
Gein apps of tillefoon, totaal gein berichten.
M’n mailbox loat ich vol, ich loat mich neet mee verplichten.
Wil neet dag en nach standby zeen
Mien systeem is geblokkeerd,
Ich höb waal get diploma’s mer veur deze stress höb ich neet geleerd .
Mer noa de B.O …….
Gein apps of tillefoon …
Mer noa de B.O. ……
Awt En Versjleete
Es ich awt bön en versjlete, zonger twee krökke neet mee ken sjtoan.
De 3e rolsjtool al versjlete, nauweliks weet det ich nog besjtoan
Es ich awt bön en versjlete en dich mot vroage wae ich ben
Al dien leefde ben vergete, van Janse Bagge geine minsj mee van herken.
Gaef mich estebleef ein sjpuitje, sjtoot mich van 6 hoog oet de raam
Ich sjrief veuraf waal op ein breefke det ’t per ongeluk is gegoan.
Es ich awt ben en versjlete, mien hersens al gesjtorve zeen
Mer mie lief ’t nog neet wilt wete en ich blief laeve veur de sjien
Es ich awt bön en versjlete, mien kenjer allein vööl werk versjaf
Neet mee netjes mit mets en versjet ken aete, tot miene navel al in ’t graaf.
Estebleef ein sjpuitje, sjtamp mich van 6 hoog oet ’t raam
Ich sjrief veuraf waal op ein breefke det ’t per ongeluk is gegoan.
Ich ben geboare zonger luier en zo goan ich auch gaer dood
Wil in ’t bejaardehoes neet oere knawwele op ein simpel sjtökske brood
Mer hopelik blief ich nog effe bezig, mer ich zegk uch alvast noe
Höb ich mien letste bladzijde gelaeze,
klap ich ‘t leefs zelf mien eige boek waal toe.
Doe En Dich En Auch Mit Mich
't waar op vakansie, in 'n wiet en gans werm landj
Ich zoug dich zitte, koffer nog in dien handj
Knipde dich ein uigske en dach: "wat ein lekker sjtök"
Mèr doe bleeks eine tweeling, veel bienao van mien krök
En toen, doe en ich
Doe en dich en auch mit mich
Veer woorte os eige, feeske de ganse waek
Bleeve mit drieje, sjomme naksj in de baek
Lauche in de liksjtoul, ich vreef uch de rökskes in
Gonge saoves sjtappe, rolde de kaamer in
Mit os, doe en dich
Doe en dich en auch mit mich
Veer waore alle drie blie en zonge derbie
Shala, la, la, la, la, la, la, la, la, la ti dah
Shala, la, la, la, la, la, la, la, la, la ti dah
Shala, la, la, la, la, la, la, la, la, la ti dah
La ti dah
In ens waor de kaamer leag, de tweeling waor saame weg
Hawwe mich niks gezag, vonj 't ein bietje vrech
Sjtong get te baale, (dea sjmaale), sjnapde d'r niks mee van
Keek doe truuk nao de foto's, waor toch eine greutsje man
Mit os, doe en ich
Doe en dich en auch mit mich
Veer waore alle drie blie en zonge derbie
Shala, la, la, la, la, la, la, la, la, la ti dah
Shala, la, la, la, la, la, la, la, la, la ti dah
Shala, la, la, la, la, la, la, la, la, la ti dah (shalalalalala…..)
Shala, la, la, la, la, la, la, la, la, la ti dah
Aw Ambachte
Wat woore det gooj tieje
Toen ze nog awwerwets koos vrieje
Dien vriendin neet in verwachting, geine angst veur HIV of gonoroe.
D’n puberteit te mooge viere, mit dien ganse vot vol miere,
Door ‘t vrieje in ’t huij en den dien batse vol mit vleu.
En elke moanjd weer houpe det ’t good woor geloupe,
Dien vriendin neet in verwachting, hoogstes ein paar daag euver tied.
Toen wort vakmansjap geboare,
Door waekelang mer get aan te moare
Door te vrieje in ’t koare of in ’t noajoar in ein hui-miet.
Doe koos dich ammezere, door ’t sjteeds weer te probere
Of ’t dich direct good te loare lere door eemes dae ’t al heel good kent.
Vonjs doe den eemes om op te boewe, dae se meindes te vertroewe,
den kooste de klokke loewe
Want doe wis al wo de klepel hingk.
Mer soms krieg ich consideratie, mit die verse generatie
Want die hoalt hun inspiratie veurnamelik oet:
Temptation Island of eine awwe porno video.
En volges mich goof det kil vererming,
Zelfs naeve centraal verwerming,
Want bliekbaar zit d’r den niks mee tösje:
Doe bös of eine domme macho of eine verwiefde gigolo
Blie Leidje
Deh deh deh deh deh, deh deh deh deh deh
’T journaal dat zaet, ’t waer wurt goud; sjmiet ze aope, alle roete
En jederein lach, jao jao jederein lach.
En sjtop noe mer, mit neutelich kieke, doe kens dich boete gaon verrieke
Want jederein lach, jao jao jederein lach
Es aan de heemel, ’t zunke lach en-niks wurt mee van os verwach
Dat is gelök, jao dat is gelök
Men versjtuit zich weier / maak(e) saam(e) plezeier
Trek de raege weg, sjient de zon, sjient de zon
Sjient de zon, sjient de zon.
En kuilt t aaf, get raege derbie
Auch dan zeen veer blie blie blie
Want dat heurt derbie, jao jao dat heurt derbie
Es eemes dao löp en kik nao de grondj
sjnap ‘m dich vas en sjpreng in ’t rondj
en Maak m blie, jao jao maak m blie
Es aan de heemel, ’t zunke lach en niks wurt mee van os verwach
Dat is gelök, jao dat is gelök
Men versjtuit zich weier / maak(e) saam(e) plezeier
Trek de raege weg, sjient de zon, sjient de zon
Men versjtuit zich weier / maak(e) saam(e) plezeier
Trek de raege weg, sjient de zon, sjient de zon
Men versjtuit zich weier / maak(e) saam(e) plezeier
Trek de raege weg, sjient de zon, sjient de zon
Pap paptsjoepap tsjap tsjap tsjap tsjap tsjap tsjap zubat zubat zubat zubat …..
Diedeliediep doodiediep diedeliediep tis gein griep, de diedeliediep diedeliediedeliediep doo diede….
40 jaor Bagge
’s Aoves laat, ich riej heives,
Sjtink noa rouk en zjweit.
Vanoavend woor ein feesttent, ma jong, wat woor ’t heit.
Riej door heel get plaatse,
wo w’r in die 40 joar ooit al ‘ns zeen gewaes.
In ein kroeg, of in ein hal, of in ein feesttent.
Illikhoven, det verregend sjöttefees.
Ich riej noe op heim aan, veur die paar Euro hoofse ’t neet te doon.
Mer mit dien tesj von bonne urges op ein buuhn sjtoan,
det is best te doon.
Es ich dalijk thoes kom, den is de crew 5 man sjterk.
De vrachtwagen aan ’t laaje, mer jong wat ein pokkewerk.
Goan ze nog get aete, hange nog ein oer op de autobaan.
Kriege betaald en auch vriej drenke,
mer det sjörge is toch gein kloten aan.
Vunjse det romantisch? Doe moos ‘ns weten. Det is toch ver gezocht.
Veurdet die jonges weer ’t bed zeen, is d’n daag al in de loch.
40 Joar Bagge. Elke feesttent gehad.
En ich mot uch vertelle: Höb nog neet genog d’r van gehad.
Elk dörp wo ich door riej, elke plaats haet heur eigen verhoal.
W’r blieve mer resetten, de hel sjief is nog neet vol.
De eesjte fans van heel vreuger komme noe en numme al hun puberkenjer mit.
Zelf get griezer en get kaler, net wie os ein dikke pens,
missjien al ein kunstgebit.
Koome vreuger mit de fits noa de feesttent en krope op de kneen weer noa hoes.
T-shirt ram aan flarden, de auge op sap, de pens vol sjoes.
Dezelfde gezichten, doa achter doa eine, dae kromme mit die krök.
Löp al mee den 10 joar kreupel, mer zuus ‘m bienoa bie elk optraeje weer terök